naghahanap

Sa pag kubli ng nakasisilaw na araw sa maitim na ulap
Ay siya ring pagkubli ng iyong nararamdaman
Pilit mo mang iwaksi ang katotohanan
Sa pagdilim ng kalangitan
tanging mga bituin lang ang makakapagpatunay
Kahit pilit mo mang itago ang nararamdaman
Patuloy pa rin itong kikinang sa madilim na kapaligiran
At ipapakita sa lahat na tanging siya lang
Ang dahilan kung bakit sa madilim mong mundo
May liwanag na natatanaw

Maging mapusok man ang pagkakataon
Ilag man ang tadhana
Dumadaing pa rin ang mga pusong nais magtagpo.